Welkom by RKW Manskoshuis
REITZ IS NIE BLOOT ’N KOSHUIS NIE, DIT IS ’N LEEFWYSE.
Geleë in Bloemfontein, staan Reitz kamerwonings sedert 1947 trots as ‘n simbool van tradisie, karakter en ware broederskap. Hierdie privaat afrikaanse manskoshuis is veel meer as net ‘n plek om te bly – dit is ‘n leefwyse wat diep gewortel is in trots, dissipline en die gees van samehorigheid wat jy nêrens anders in die land sal vind nie.
REITZ KAMERWONINGS
Ons is trots daarop dat ons nie net ‘n tuiste vir studente bied nie, maar ‘n plek waar waardes en tradisies lewendig gehou word. RKW weerspieël die ware studentebeweging – vol gees, humor, uitdaging en ondersteuning – waar elke lid sy eie rol speel in die bou van iets groter as homself.
In ons koshuis word daar ‘n band van broederskap gesmee wat die toetse van tyd deurstaan. Die herinneringe wat hier geskep word, en die vriendskappe wat hier begin, hou lewenslank.
By RKW bou ons op ‘n fondament van geloof, lojaliteit, respek en eerlikheid waardes wat die kern vorm van ons identiteit en ons daaglikse optrede rig. Hier leer jy nie net hoe om saam te leef nie, maar ook hoe om ‘n man van eer en verantwoordelikheid te wees.
Elke dag in die koshuis is ‘n belewenis wat jy eenvoudig nie kan misloop nie. Van die eerste dag af vorm jy deel van ‘n hegte gemeenskap waar tradisie en trots hand aan hand loop met groei, vriendskap en onvergeetlike ervarings.
Die RKW-belewenis
Meer as net 'n koshuis
Meer oor ons
KOSHUIS BESTUUR
Die koshuis funksioneer soos die ou kampuskoshuise in die sin dat die tradisies daarvan nagevolg word.
Dit sluit in:
Formele Huiskomitees (HK’s) wat deur die inwoners verkies word.
’n HK bestaande uit ’n Primarius en verskeie verkose lede (senior inwoners) wie vir verskillende portefeuljes verantwoordelik is
Die HK’s is onder andere verantwoordelik vir:
Bou van koshuisgees en samehorigheid
Aanmoediging van inwoners om aan koshuis – en universiteitsaktiwiteite op alle gebiede deel te neem
Dissipline
Inskakeling van eerstejaars
Reël van gesonde studente-aktiwiteite vir inwoners
Aanmoediging om akademies te presteer
Bevordering van sport – en kultuurbedrywighedeGeestelike en emosionele ondersteuning
Skakeling met die hoofbestuur
Die hou van gereelde huisvergaderings om uitvoering aan bogenoemde te gee
Die koshuishoofde hou oorkoepelende toesig en oefen beheer uit en skakel met studente-owerhede
RKW (Manskoshuis) is 'n privaatbestuurde koshuis vir studente wat in Bloemfontein studeer.
RKW ADDRESS
54 Brendarweg Quaggafontein , Bloemfontein, South Africa, 9301
Ignus de Wet
Onder-Primarius, HK sosiaal, HK Finansies
BSc Landbou-Ekonomie
Johan vd Merwe
Bondvoorsitter
Bagric
Johan Coetzee
HK Sport
BAgric
Human Buys
HK Eerstejaars
LBKV
HUISKOMITEE(HK) vir 2026
Johan Swart
Primarius
BAgric
Marnus Cronje
HK Geestelik
LBKV
Address
54 Brendarweg Quaggafontein , Bloemfontein, South Africa
